అద్దం

నాకు తెలియని నేను

2010-03-28T18:30:00.000+05:30

ఇక్కడ క్లిక్ చెయ్యండి

నాకు తెలియని నేను-1

స్వచ్ఛమైన ప్రేమ

2010-03-27T17:13:00.000+05:30

ఈ రోజు ఆంధ్రజ్యోతిలో వచ్చిన కథనం ఇది.

విజయలక్ష్మి అనే అమ్మాయి తన officeలో పని చేసే చిరంజీవిని ప్రేమించింది. వారి ప్రేమని పెద్దలు ఒప్పుకోలేదు, అయినా కూడా వాళ్ళు అధైర్య పడలేదు. తర్వాత కొన్నాళ్ళకు చిరంజీవి 2 kidneys పూర్తిగా పాడైపోయాయి అని తెలిసింది. విజయలక్ష్మి ఏ మాత్రం వెనుకంజ వేయకుండ అతనిని 2008 లో పెళ్ళి చేసుకుంది. తర్వాత తన ఒక kidneyని అతనికి ఇచ్చి తన ప్రేమను కాపాడుకుంది.

జోహార్ విజయలక్ష్మి గారు .ప్రేమంటే time pass అని కొత్త అర్థం వస్తున్న ఈ రోజుల్లో నిజమైన ప్రేమంటే ఏంటో నిరూపించారు. మీ లాంటి వాళ్ళు ఇంకా ఉండటం వల్లనే ప్రేమ కి ఈ మాత్రమైన విలువ వుంది.

మీ జీవితం మరియు ప్రేమ వెయ్యేల్లు కలకలలాడుతూ ఉండాలని ఆ దేవున్ని ప్రార్థిస్తున్నాను.

(నా) బాల్య వివాహం

2010-03-26T21:18:00.003+05:30

మొన్న, మొన్న అంటే ఒక 8 months back అనుకోండి, నాకో match వచ్చింది. నేను 21 అప్పుడు, ఆ అమ్మాయి వయసు 13, 8వ తరగతి చదువుతుంది . ఆ అమ్మాయి parents నన్ను మా అక్క marriage అప్పుడు చూసారంట.ఆ తర్వాత మెల్ల మెల్లగా మా family కి close అయ్యారు, తర్వాత కొన్ని రోజులకు ఇలా మీ అబ్బాయికి మా అమ్మాయిని ఇవ్వాలనుకుంటున్నాం అని చెప్పారు . మాకు(మా parents కి కాదనుకోండి) ఆ అమ్మాయి వయసు తెలియగానే చాలా షాకింగ్ గా అనిపింపిచింది, ఇంత చిన్న అమ్మాయి(పాప అనాలనుకుంటా )కి అప్పుడే మీరు సంబంధం అడగటం ఏంటని. మేమూ(parents కూడా) అదే చెప్పాం . దానికి వాళ్ళు మతి చెడిపోయే సమాధానం ఇచ్చారు. అది ఏంటంటే ," మీరు అమ్మాయి మీకు OK అనండి, పెళ్ళికి సరిపోయేలా అమ్మాయిని మేము తయారు చేస్తాం, 3months లో". వాళ్ళ meaning ఏంటో నాకైతే తెలియలేదు కానీ , మొత్తానికి వద్దని చెప్పేసాం, అలానే ఇంత చిన్న వయసులోనే పెళ్ళి మంచిది కాదు అని కూడా చెప్పాం.

ఆ అమ్మాయి వాళ్ళ daddy చదువుకున్నవాడు, ప్రభుత్వ ఉద్యోగి, వుండేది townలో. వాళ్ళ relatives అందరు మంచి positionలో ఉన్నారు. వాళ్ళు కూడా support చెయ్యటమే కొంచెం బాధగా అనిపించింది.

చదువుకున్న వాళ్ళే ఇలా చేస్తుంటే ,ఇంకా చదువుకోని వాళ్ళు, పల్లెటూరులలో ఉండే వాళ్ళు ఎలా ఆలోచిస్తారు?

లొల్లి

2010-03-24T18:16:00.000+05:30

Jadivana: లొల్లి

My New Blog

2010-03-24T12:49:00.000+05:30

నా కవితలన్ని ఒకే చోట ఉండాలని కొత్త blog ను start చేస్తున్నాను. నా ఈ పాత blog లో ఇకపై సమాజం లో జరిగే వివిధ విషయాల పై నా అభిప్రాయాలు వుంటాయి.

Supreme Court తీర్పు KHUSBU Case

2010-03-23T22:51:00.002+05:30

Supreme Court, Khushbu పెళ్ళికి ముందు sex గురించి చేసిన వాక్యల గురించి తీర్పు ఇస్తూ సహజీవనం, పెళ్ళికి ముందు sex తప్పని కాదని చెప్పింది. ఇది కరక్టా కాదా నేను మాట్లాడదలచుకోలేదు, కాని కొన్ని పరిణామాల గురించి మాట్లాడాలి అనుకుంటున్నా.

SC ఇచ్చిన తీర్పు ను పక్కన పెడితే , ఇప్పుడు నేను next పేరా లో రాసిన వాటికి ఏమని సమాధానం చెప్తుంది మన SC.

1. నన్ను పెళ్ళి చేసుకుంటానని చెప్పి , నన్ను అనుభవించి , ఇప్పుడు నన్ను మోసం చేసాడు అని ఉద్యమాలు చేసే వనితలకు(major ఐన పక్షం లో) SC ఏమని చెప్తుంది?
అప్పుడు చేసుకుందామనుకున్నాను కానీ మా ఇద్దరికీ ఇప్పుడు మనస్పర్ధలు వచ్చాయి అని ఆ పురుష పుంగవులు easy గా తప్పించుకుంటారు.

2. ఇప్పుడే ఇలా పోరాటాలు చేసే వారికి జరిగే న్యాయం అంతంత మాత్రమే. మరింకా ఇప్పుడు కసాయి వాడికి చేతికి direct గా గొర్రె పిల్లను ఇచ్చినట్టు కాదా?

3. మోసగాళ్ళను నమ్మి బలయ్యే అమ్మాయిలకు న్యాయం ఎలా చేస్తారంటా ?

4. ఇలాంటి మోసగాళ్ళకు మన SC స్వేచ్ఛను ఇచ్చినట్టు కాదా?

5. ఇప్పటికే ఎన్నో రకాలుగా మగవాళ్ళ చేతిలో బలైపోయిన స్త్రీలకు , ఇప్పుడు కల్లబొల్లి మాటలతో Emotionalగా ట్రప్ చేసి వాడుకునే వాళ్ళకి మరింత అవకాశాలు కల్పిస్తూ మన దేశంలో స్త్రీ చుట్టూ వున్న రక్షణ చక్రానికి చిల్లులు పెట్టటం సబబేనా?

విధికి తలవంచి, తన ప్రేమకు వీడ్కోలు చెప్పుతున్న ఒక ప్రాణం లేని హృదయం

2009-10-31T20:10:00.002+05:30

వెన్నెల లేని నిశీధిలో నిన్ను వదిలి జీవిత గమనంలో నా గమ్యంకై సాగిపోతున్నా, నేను నా హృదయమును నీ చెంత వదిలి వెడుతున్నాను. నీతో గడిపిన ప్రతి క్షణం ఎప్పటికీ చెరిగిపోని తీపి గుర్తుగా, ఈ ఎడబాటు ఓ తీపి బాధగా నాతో నా జీవిత పయనంలో నాకు తోడుగ తీసుకెళ్తున్నా.. ఈ క్షణంలో నీ కనులలోకి సూటిగా చూసే ధైర్యంలేక నాలో నేనే విలపిస్తున్నాను.నిన్ను చూడలేని నా కనులకు అంధకార జ్వాలలు అలుముకుంటున్నాయి. నాలోని ప్రతి అంగం ఈ ఎడబాటును భరించలేక విలపిస్తున్నాయి.

కాలం చేసే తప్పుకు మనం ఇలా బలి కావలసిందేనా? నీ ధరికి చేరిన ఆ క్షణం అలానే నిలిచిపోయి వుంటే ఎంత బావుండో..! ఒకే ప్రాణమైన మనల్ని నువ్వు, నేను వేరు వేరు గూటి గువ్వలం అంటూ అమానుషంగా విడదీస్తున్న ఈ విధి ఆగడాలను ఆపే వాడే లేడా?? జగత్తులో అత్యంత గొప్పదైన ప్రేమ కూడ ఈ నరకపు కోతలను అనుభవించాలా?

ఆసలు నీవు నా జీవిత పుటలలోకి తియ్యని కావ్యంలా ఎందుకొచ్చావ్? ఎందుకు నన్ను నీ ప్రేమలో బంధించావ్? ఇప్పుడిలా ఎందుకు నా మనసుకు గాయం చేస్తున్నావ్? నీ స్నేహం, నీ కన్నుల భాష్యాలు, నీ తీయని పలుకులు మరలా నాకు దొరికేనా??

మన తీపి ఙ్నాపకాలనే నీకు కన్నీటిగా మిగిల్చి శూన్యం లోకి వెళ్తున్నాను. మరు జన్మకైనా ఒకే గూటి గువ్వలలా జీవితమంతా కలిసుండాలని ఆ భగవంతున్ని ప్రార్ధిస్తూ, నీకు నా కన్నీటి వీడ్కోలు.......

సతీష్ జి కుమార్.

నీవెవరు?

2009-06-11T19:08:00.005+05:30

జడివానలో మల్లెపువ్వువా!
బృందావనిలో పారిజాతానివా!
కోనేటిలో ఎర్రకలువవా!
కాలువగట్టుపై పిల్లగాలివా!
ఉషోదయవేళ నీటిబొట్టువా!
సాయంకాలపు పశ్చిమానివా!
పండగనాటి రంగవళ్లివా!
చంటిపిల్లల కంటిపాపవా!
పల్లెనోటిలో జానపదానివా!
వసంతకాలపు నిండుపున్నమివా!
చిన్నిపెదవిపై చిరునవ్వువా!
కన్నెగుండెలో కొంటెతనానివా.......!

---- సతీష్ జి కుమార్

శ్రీమతికి ప్రేమలేఖ

2009-02-03T18:09:00.007+05:30

తొలిసారి నిన్ను పెళ్ళిచూపుల్లో చూసిన నాడే నీ కళ్ళలో తొణికిసలాడిన ప్రేమ, ఆప్యాయతకి బంధీనయ్యాను. తొలిరేయి పాలరాతి శిల్పంలా గదిలోకొచ్చిన నిన్ను చూసి అందానికి ముద్దు పేరు నువ్వా అనిపించింది. ఎరుపెక్కిన నీ చెక్కిళ్ళ కాంతి తనపై పడగానే మెరిసిపోతున్న చంద్రున్ని చూసి, అంతలోనే తెల్లవారిందా అని భ్రమపడ్డాను. కాలికి పారాణి పెట్టుకొని అటు ఇటు తిరుగుతుంటే, నీ కాలికున్న మువ్వల సవ్వడికి నా మనసు ఎంతో పారవశ్యం చెందేది. పెళ్లైన తొలిరోజుల్లో ఆఫీసు నుండి రాగానే చిరునవ్వుతో ఆహ్వానమిచ్చి, చేతికి కాఫీ కప్పు అందించేదానివి. సాయం సంధ్యాసమయంలో, మల్లెపందిరి నీడలో నీ ఒడిలో తల పెట్టుకొని ఉంటే, నీ చేతి వేళ్ళతో నా తల నిమురుతూ, కబుర్లు చెపుతుంటే రోజంతా పడిన కష్టాన్ని మర్చిపోయి, హాయిగా సేదతీరేవాడిని.
కానీ ఏవీ ఆనాటి ఆ ఒరకంటి చూపులు, నునులేత సిగ్గులు, కొంటె నవ్వులు, చిలిపి చేష్టలు. ఏదీ ఆ ప్రేమ ఇప్పుడు నీ కళ్ళలో ఎంత వెతికిన కనిపించదే. అలనాటి ఆ చల్లని రేయి ఇప్పుడు ఒక్కటి కూడా రావటం లేదే. మాటలాడటానికి మన మధ్య మాటలే కరువయ్యాయే. ప్రతి క్షణం గొడవలు, ఏడుపులు, సాధింపులు. అయినా కూడా ఏనాడు నిన్ను పల్లెత్తి మాట కూడా అనలేదే. ప్రతీ నిమిషం నా మొహంలో ఆనందంకై తపించేదానివే, ఇప్పుడేమై పోయింది ఆ తపన. ఎప్పుడూ డబ్బు డబ్బు అంటావ్. ఎంత తెచ్చినా చాలదంటావ్. పట్టు చీరంటావ్. పట్టె మంచమంటావ్. పంచభక్ష పరమాన్నాలు లేనిదే ముద్ద నోట పెట్టనంటావ్. ఎంత చేసినా ఇంకా ఇంకా కావాలంటావ్. నువ్వేమో సొంతిల్లు అంటావ్. నేనేమో నీకోసం నా హృదయంలో బంగారు తాజ్ మహల్ నే నిర్మించాను, అది నీకు కనపడదు. తిరగడానికి కారు కావాలంటావ్. కానీ మనిద్దరం కలిసి ఊహాలోకంలో విశ్వాన్నంత చుట్టి వచ్చిన రోజుల్ని మర్చిపోయావ్. నగలంటావ్. నౌకర్ కావాలంటావ్. నేనేమో నీ పెదవులపై చిరునవ్వు చాలనుకుంటాను. మనిషికి బ్రతకటానికి డబ్బు అవసరమే కావచ్చు కానీ డబ్బే బ్రతుకు కాకూడదు. మధ్యతరగతి జీవితాలంతే. చాలీ చాలని జీతంతో నీ గొంతెమ్మ కోర్కెలను నే తీర్చలేను, కానీ ఇప్పటికీ నిన్ను అంతే ప్రేమిస్తున్నాను. నీ సాంగత్యంలో నాకో కొత్త లోకాన్ని చూపించావు. ఇప్పుడు అదే లోకంలో నన్ను ఒంటరిగా వదిలేసి వచ్చేసావే నీకిది న్యాయమా...! పక్కనే వున్నా రోజురోజుకి దూరమై పోతున్నావు. నువ్వెంత చేసినా ఆ బాధనంత మనసులోనే సమాధి చేసి పైకి నవ్వుతూ నీ ముందున్నాను. నువ్వు మాత్రం ఇన్నాళ్ళ మన సంసార జీవితంలో నా మనసుని, దాని మూగ వేదనను, అది కార్చే కన్నీళ్ళను అర్ధం చేసుకోలేకపోయావు. ఇంకా కొన్ని రోజులు ఇలానే పోతే నువ్వు నాకు శాశ్వతంగా దూరమై పోతావేమోననే భయంతో ఈ నా మొదటి మరియు చివరి ప్రేమ లేఖ వ్రాస్తున్నాను.
నీతో కలిసి వెన్నెల కాంతిని, మల్లెల పరిమళాన్ని మనసారా ఆస్వాదించే రోజు మళ్ళీ వస్తుందా....!
నీ
నీలోని సగం.

---- సతీష్ జి కుమార్

ఏమో అవునేమో లేకుంటే ప్రకృతిలో ఇన్ని అందాలు ఉండేవి కాదేమో....!!

2008-12-06T18:53:00.008+05:30

నీ నయనాలను చూసే ఆ బ్రహ్మ కలువను సృష్టించాడా!
నీ అధరాలను చూసే సంధ్యాకాల పశ్చిమం ఎరుపును పులుముకుందా!
నీ చిరుదరహాసం చూసే ముద్దబంతి సిగ్గుపడటం నేర్చుకుందా!
నీ చెక్కిలి చూసే చామంతి పువ్వు అవతరించిందా!
నీ గాత్రం వినే కోయిల ఆలపించటం మొదలెట్టిందా!
నీ సొగసును చూసే హిమగిరి సోయగాన్ని అలవర్చుకుందా!
నీ నడుము ఒంపులను చూసే నయాగారం అన్ని హొయలు పోతోందా!
నీ శిరోజాలను చూసే నిశీధి కాటుక పెట్టుకుందా!
నీ మువ్వల సవ్వడి వినే సెలయేరు గలగల పారుతోందా!
నీ ముఖకవళికలు చూసే ఇంద్రధనసు రంగులను సంతరించుకుందా!
నీ హూందాతనం చూసే కడలి గాంభీర్యాన్ని ధరించిందా!
నీ మేని పరిమళమే చిరుగాలికి జీవం తెచ్చిపెట్టిందా!
నీ హృదయగానాల నుండే ప్రేమ అనే పదం పుట్టిందా!
ఏమో అవునేమో లేకుంటే ప్రకృతిలో ఇన్ని అందాలు ఉండేవి కాదేమో....!!

---- సతీష్ జి కుమార్

ఇండియా 1

2008-12-02T23:36:00.002+05:30

1. భారతదేశంలో మొత్తం 325 భాషలు మాట్లాడతారు.
2. ప్రపంచంలో ఇంగ్లీష్ ఎక్కవగా మాట్లాడే దేశం భారత్.
3. ప్రపంచంలో అతి పెద్ద సినిమా పరిశ్రమ మనదే.
4. ట్రాక్టర్ ఉత్పత్తిలో మనది 2వ స్థానం.
5. స్వయంగా సూపర్ కంప్యూటర్ తయారు చేసిన 3 దేశాలలో మనది ఒకటి. మిగిలిన రెండు జపాన్, యు.ఎస్.ఎ.
6. 17వ శతాబ్ధం(బ్రిటీష్ వారు రావడానికి ముందు) వరకు భారత్ అన్నింటి కన్న ధనిక దేశం.
7. 3వ అతి పెద్ద సైనిక బలగం.
8. కృత్రిమ ఉపగ్రహాలను ప్రయోగించే 6 దేశాలలో మనది ఒకటి.
9. 4వ అతి పెద్ద ఎకానమీ.
10. భారత్ లో మొత్తం 5600 డైలీ పేపర్స్, 15,000 వీక్లీస్, 20,000 పీరియాడికల్స్ 21 భాషలలో ప్రచురితమౌతున్నాయి. మొత్తం సర్క్యులేషన్ 142 మిలియన్లు.

చైల్డ్ అబ్యూస్ (పిల్లలపై లైంగిక వేధింపులు)

2008-12-02T03:31:00.016+05:30

1st class చదువుతున్న ఒక అమ్మాయి కాదు కాదు పాపపై స్కూల్ బస్ అటెండర్ లైంగిక చర్యలు, మరోచోట 2సం. కూడా నిండని పసికూన పై పక్కింటివాడి అత్యాచారయత్నం, ఇంకోచోట 7వ తరగతి అబ్బాయి పై, అతని స్కూల్ హెడ్ మాస్టర్ లైంగిక వేధింపులు, ఇంకా 13సం.ల అమ్మాయి(అమ్మాయి అనటం సబబు కాదనుకుంటాను)ని తనకు జన్మనిచ్చిన వాడే కబళించాలని ప్రయత్నాలు, 3యేల్ల పాపపై అత్యాచారం, 7యేల్ల బేబీని చెరిచిన ఓ క్రూరుడు..........
ఇలా చెప్పుకుంటూ పోతే ముక్కుపచ్చలారని పసిపిల్లలపై అమానుషాలు , అత్యాచారాలు, కన్నీటి కథలు లెక్కలేనన్ని. వెలుగులోకి వచ్చే ఈ దారుణాలు కొన్నైతే, బయటి ప్రపంచానికి తెలియని ఉదంతాలు ఎన్నెన్నో.
జన్మనిచ్చిన వారి నుంచి మొదలుకొని రక్త సంబంధీకులు, స్నేహితులు, ఇంటి ప్రక్కవారు, తెలిసిన వారు, తెలియని వారు, పని చేసేచోట యజమానులు, విద్య నేర్పే టీచర్ల వరకు, తమ కామ వాంఛకి ఏ పాపం తెలియని పసి హృదయాలను బలి చేస్తున్నారు. తమపై జరిగే ఈ క్రూరత్వాన్ని ఎవరికీ చెప్పుకోలేక, ఎదిరించలేక, నరకయాతనను అనుభవిస్తున్న తారలు మన చుట్టూ నిరంతరం తిరుగుతూనే ఉంటాయి.
ఆడుతూ పాడుతూ ఆనందంగా గడపవలసిన ఈ వయసులో కామాంధులకు బలైపోతున్న ఆ పసి హృదయాలు చేసే ఆత్మఘోష అంతా ఇంతా కాదు. తమ కుటుంబ సభ్యులే తమను కామ వాంఛతో చూస్తే వారి మనసు ఎంతగా విలపిస్తుందో.............
సంస్కారం, సంస్కృతి, సాంప్రదాయానికి పుట్టినిల్లయిన మన దేశం ఇప్పుడు పిల్లలపై లైంగిక వేధింపులకు నిలయంగా మారింది. మన దేశంలో పిల్లలపై ఇటువంటి అమానుషాలు అత్యధికంగా జరుగుతున్న రాష్ట్రాలలో మొదటి మూడిట్లో మనం ఉండటం మనం సిగ్గుతో తల దించుకోవలసిన విషయం. ఒక పక్క అభివృద్ధి వైపు పరుగులు పెడుతూనే, మరో వైపు అనాగరికంగా మారిపోతున్న ఈ సమాజం మానవ సంబంధాలకు తీవ్రమైన ముప్పు తెచ్చిపెడుతుంది.
పెద్ద పెద్ద పదవుల్లో, ఉద్యోగాల్లో ఉన్నవారు, విద్యావేత్తలు, సంఘ సంస్కర్తలం అని చెప్పుకునే వారు కూడా ఇలాంటి నీచ కార్యాలు, పిల్లలపై అత్యాచారలు, పిల్లలను వేరే రాష్ట్రాలకు, దేశాలకు ఎగుమతి చెయ్యడం దురదృష్టకరమైన విషయం.
నమ్మలేని నిజాలు:::
~~~~~~~~~~~~~~~~~~~~~~ * మన దేశంలో 53% పిల్లలు లైంగిక వేధింపులకు గురి అవుతున్నారు.
* మగ పిల్లలలో 52.94% & ఆడ పిల్లలలో 47.06% లైంగిక వేధింపుల బారిన పడుతున్నారు.
* 22% తీవ్రమైన వేధింపులు.
* 50% వేధింపులు తెలిసిన వారి వల్లనే.
* ఎక్కువగ లైంగిక వేధింపులు ఆంధ్ర ప్రదేశ్,అస్సాం,బీహార్,ఢిల్లీ లో నమోదయ్యాయి.
* 5-12సం.ల మధ్య పిల్లలు ఎక్కువగా కామాంధులకు బలౌతున్నారు.

దురదృష్టకరమైన ఇంకో విషయం ఏమిటంటే ఏ పాప, ఏ బాబు ఇలాంటి పరిస్థితిని ఎదురుకుంటున్నారో, ఎవరి వల్ల మనోక్షోభను అనుభవిస్తున్నారో చెప్పటం కష్టం. ఎవరిని నమ్మాలో తెలియని అయొమయం. ఈ నరక కూపంలో ఉన్న పిల్లలు తమ బాధను వారంతట వారే చెప్పుకోలేని పరిస్థితి.
ఇలా చీడపురుగులకు బలైపోతున్న వారిలో మన పక్కింటి పిల్లాడు ఉండొచ్చు, మన బంధువుల అమ్మాయి(పాప) ఉండొచ్చు, తెలిసిన వారి పిల్లలు ఉండొచ్చు, లేదా మనింట్లోనే ఉండొచ్చు. కాబట్టి ఒక్కసారి ఆలోచించండి మన సంస్కృతి ఎక్కడి నుండి ఎక్కడికి వెళ్తుంది?? ఇదేనా మనం సాధిస్తున్న అభివృద్ది??
రేపటి మన భవిష్యత్తు వారి చేతుల్లోనే ఉంది. అలాంటి చేతులను కాపాడటానికి మన వంతు కృషి చేద్దాం. ఈ రంపపు కూపం నుంచి వాళ్లను విముక్తులను చేద్దాం.

SAVE CHILDREN

చెలికాడికి లేఖ

2008-11-17T01:27:00.005+05:30

నింగి లోని నక్షత్రకన్యలు జాబిలి చెక్కిలిని ముద్దాడే వేళ, మల్లెమొగ్గలు వయ్యారంగా ఒళ్ళు విరుస్తూ విచ్చుకునే తరుణంలో, తమకంతో నీ ఆలింగనంకై పరితపించే నా హృదయం, తన హృదయ భాష్యాలను నీకు చేరవేయమని, నీకై, నీ స్పర్శకై, నీఓరకంటి చూపుకై , వేయి జన్మల నుంచి వేచియుండి , నాలోని అమృతమును నీకు అందిస్తూ , నీ ఒడిలో హిమంలాకరిగిపోతూ, స్వర్గపుటంచులను నీతో కలిసి అందుకోవాలని ఆకాంక్షించే నా మదికి రసరమ్య అనుభూతులను పంచమని, నీకునా హృదయ గానంగ విన్నవించమని, ఈ చిరుగాలితో నా హృదయ సవ్వడులనే అక్షరాలుగా మార్చి నీ దరికి పంపుతూ నీ రాకకై, నీ కలయికకై వేయి కోట్ల నయనాలతో ఎదురుచూస్తూ నీ........

---- సతీష్ జి కుమార్